धादिङको गल्छी गाउँपालिका–८ निवासी चन्द्रबहादुर ज्ञ्यामी मगरको भोटेकोशी बाढीमा परी भएको दुःखद् निधनप्रति श्रद्धाञ्जली व्यक्त गर्दै परिवारलाई राहत प्रदान गरिएको छ। गल्छी गाउँपालिकाले शोकसन्तप्त परिवारलाई रु। २५ हजार नगदसहित खाद्यान्न तथा राहत सामग्री हस्तान्तरण गरेको हो।
राहत हस्तान्तरण कार्यक्रममा गाउँपालिका अध्यक्ष केदारनाथ खतिवडा, उपाध्यक्ष भाइकाजी तिवारी, वडा नं. ८ का अध्यक्ष विशाल लुङ्गेली मगर, वडा नं. ७ का अध्यक्ष हरिप्रसाद खतिवडा, विपद् व्यवस्थापन शाखा प्रमुख रामप्रसाद ज्ञवालीलगायतको उपस्थिति थियो।
गाउँपालिकाका जनप्रतिनिधि तथा कर्मचारीहरूले मृतक चन्द्रबहादुरप्रति श्रद्धाञ्जली अर्पण गर्दै शोकमा रहेका परिवारजनप्रति समवेदना व्यक्त गरेका छन्। साथै विपद्को यस दुःखद् घडीमा स्थानीय सरकार परिवारको साथमा रहेको बताएका छन्।
