धादिङ । धादिङको नीलकण्ठ नगरपालिका वडा नम्बर–२, भुलभुलेमा मंगलबार भएको जीप दुर्घटनामा १० जना घाइते भएका छन् ।
जिल्ला प्रहरी कार्यालयका सूचना अधिकारी एवं प्रहरी नायब उपरीक्षक रुपक खड्काले ग १ ज ६०६१ नम्बरको बोलेरो जीप धादिङबेसीबाट पात्लेतर्फ जाँदै गर्दा दुर्घटना भएको जानकारी दिनुभयो ।
अनियन्त्रित भई सडकबाट पल्टिएपछि १० जना घाइते भएका हुन् । घाइतेमध्ये चार जनाको अवस्था गम्भीर रहेको छ । अवस्था गम्भीर भएका घाइतेलाई थप उपचारका लागि काठमाण्डौ ट्रमा सेन्टरमा पठाइएको छ भने ६ जना घाइते जिल्ला अस्पतालमा उपचार भइरहेको छ ।
२०७६ भदौ १७ गते प्रकाशित
