धादिङ । सेन्चुरी बैँक धार्के शाखाले थाक्रे गाउपालिका वडा नं ८ फोगटपुरमा रहेको महाङकालेश्वरी माध्यामिक विद्यालयका विद्यार्थीहरुलाई शैक्षिक सामाग्री वितरण गरेको छ । शुक्रबार विद्यालयमा एक कार्यक्रमको आयोजना गरि ६६ जना विद्यार्थीहरुलाई प्रति विद्यार्थी तिन सय रुपैँया बराबरको शैक्षिक सामाग्री वितरण गरिएको सेन्चुरी बैंकका धार्के शाखा प्रमुख निरञ्जन अधिकारीले बताउनुभयो ।
बैंकद्वारा संस्थागत सामाजिक उत्तरदायित्व कार्यक्रम अन्तर्गत कक्षा १ देखि १० सम्मका गरीव, जेहेन्दार र चेपाङ जातीका विद्यार्थीहरुलाई शैक्षिक सामाग्री वितरण गरेपछि उनिहरु खुसी भएका छन् ।
विद्यार्थीहरुको शिक्षामा केहि सहजता ल्याउन सेन्चुरी बैँकले गरेको काम निकै नै प्रशँसनिय रहेको विद्यालयका प्रधानाध्यापक राजेन्द्र आचार्यले बताउनुभयो । कार्यक्रममा विद्यार्थी, शिक्षक, अभिभावक बैँकका कमचारी लगायतको सहभागीता रहेको थियो ।
२०७६ भाद्र २० गते प्रकाशित 
