नुवाकोट । नुवाकोटको बट्टार बजारमा बसले किच्दा एक जना बालकको मृत्यु भएको छ । केरुङ यातायात प्रालिको बा ४ ख ७५०४ नम्बरको बसले किच्दा तारकेश्वर गाउँपालिका ५ घर भएका ११ वर्षीय बालक युनिक तामाङको घटनास्थलमै मृत्यु भएको जिल्ला प्रहरी कार्यालयले जनाएको छ ।
प्रहरी नायब उपरीक्षक (डीएसपी) राजेश थापाले बालकलाई किचेर भाग्न खोजेको गाडीलाई स्थानीयले नियन्त्रणमा लिएर तोडफोड गरेको बताएका छन् । मृतकका आफन्तले बसलाई जलाउने प्रयास गरेपछि भिड तितरबितर पार्न प्रहरीले पाँच सेल अश्रुग्यास समेत प्रहार गरेको छ । बसका चालकलाई स्थानीयले कुटेर घाइते बनाएका छन् ।
भिडियो हेर्नुहोस्....
https://www.facebook.com/jalapanews/videos/452636722018628/भिडियो श्रोत : जालपा न्युज
