काठमाडौं । सुदूरपश्चिम प्रदेशमा क्वारेन्टाइनमा रहेका २ युवाको मृत्यु भएको छ । बैतडीको पाटन नगरपालिका वडा नम्बर ६ सन्तोलीका ३१ वर्षे पुरुषको शनिबार राति निधन भएको हो । यसैगरी, डोटीको केआइसिंह गाउँपालिका वडा नम्बर ३ का १९ वर्षे युवाको पनि आइतबार बिहान निधन भएको हो ।
दुवैजना भारतबाट फर्किएर क्वारेन्टाइनमा बसेका थिए । उनीहरुको मृत्युको कारण कोरोना भाइरस संक्रमण अनुमान गरिए पनि आधिकारिक रुपमा पुष्टि हुन बाँकी छ ।
