काठमाण्डौ । अहिलेसम्म ७९ लाख ८२ हजार १ सय १४ जनालाई सङ्क्रमण पुष्टि भएको छ भने ४१ लाख भन्दा धेरै उपचार पछि निको भएका छन् । कोरोनाका कारण ४ लाख ३५ हजार १ सय ६२ जनाको मृत्यु भएको छ ।
पछिल्लो २४ घण्टामा १ लाख २१ हजार ५ सय ९० जना नयाँ सङ्क्रमित पुष्टि भएका वल्र्डओमिटरले जनाएको छ । अमेरिकामा १९ हजार २ सय २३ जना नयाँ सङ्क्रमित थपिएका छन् भने ब्राजिलमा १७ हजार ८६ जना थपिएका छन् ।
यस्तै रुसमा ८ हजार ८ सय ३५ जना सङ्क्रमित थपिएका छन् भने भारतमा ११ हजार ३ सय ८२ जना सङ्क्रमित थपिएका छन् । यो सँगै विश्वमा अहिलेसम्म सङ्क्रमित हुनेको संख्या झण्डै ८० लाख पुगेको छ ।
