काठमाडौं । नोभेल कोरोना भाइरसको उत्पत्तिका विषयमा अनुसन्धान गर्न विश्व स्वास्थ्य संगठन (डब्लूएचओ) को टोली चीन प्रस्थान गरेको छ ।डब्लूएचओका प्रवक्ता मार्गरेट ह्यारिसले विशेषज्ञको एक टोली शुक्रबार चीन प्रस्थान गरेको जानकारी दिएकी छन् । उनका अनुसार यस टोलीले चीनमा कोरोना भाइरसको उत्पत्तिको सम्बन्धबारे अनुसन्धान गर्नेछ । टोलीमा पशु विज्ञान र महामारीका विज्ञहरु छन् । उनीहरु चिनियाँ वैज्ञानिकसँग मिलेर काम गर्ने बताइएको छ ।
उनले कोरोना भाइरस महामारीविरुद्ध जारी लडाईको समीक्षा गर्न बिहीबार गठन भएको एक स्वतन्त्र प्यानलमा विश्व स्वास्थ्य संगठनको कुनै भूमिका नहुनेसमेत बताएकी छन् ।
चीनबाट सन् २०१९ को डिसेम्बर अन्तिबाट सुरु भएको नोभेल कोरोना भाइरसले विश्वव्यापी महामारीको रुप लिएको छ । यस महामारीको उत्पत्तिमा चीनको हात रहेको भन्दै चर्को आलोचना भएपछि यसको उत्पत्तिबारे अनुसन्धान गर्न डब्लूएचओको टोली चीन प्रस्थान गरेको हो । ( अलजजिरा
