मकवानपुर । मकवानपुरमा आज एकै दिन ६१ जना कोरोनाका संक्रमित कोरोना मुक्त भएको स्वास्थ्य अधिकृत भोला चौँलागाईले जानकारी दिएका छन् ।
हेटौंडाको किटजन्य रोग, अनुसन्धान तथा तालिम केन्दमा भएको परीक्षणमा ४९ जना र काभ्रेको धुलिखेलस्थित प्रयोगशालामा गरीएको परीक्षणमा १२ जना गरी कूल ६१ जना संक्रमणबाट मुक्त भएको उनले बताए ।
यससंगै मकवानपुरमा कोरोना मुक्त हुनेको संख्या १ सय ५६ पुगेको छ । यसैगरि जिल्लामा आज थप २० जनामा कोरोना पुष्टि भएको छ । यो संगै संक्रमितको संख्या ४ सय १५ पुगेको छ । हालसम्म मकवानपुरमा मृत्यु भएका ४ जनामा कोरोना पोजेटिभ देखिएको छ ।
