धादिङ । बागमती प्रदेशमा कोरोना भाइरस संक्रमण पुष्टि हुनेको संख्या ४४ हजार ८ सय ८५ पुगेको छ । हिजो शुक्रबार प्रदेशमा थप १ हजार ६ सय १९ जनामा संक्रमण पुष्टि भए संगै संक्रमितको संख्या ४४ हजार ८ सय ८५ पुगेको प्रदेशको सामाजिक विकास मन्त्रालयले जनाएको छ ।
यसैगरि प्रदेशमा हालसम्म कोरोना संक्रमण मुक्त हुनेको संख्या २६ हजार ४ सय ८७ पुगेको मन्त्रालयले जनाएको छ । प्रदेशमा हालसम्म कोरोनाको कारण २ सय ४५ जनाको मृत्यु भएको छ । प्रदेशमा १८ हजार १ सय ५३ जना उपचाररत रहेका छन् ।
