धादिङ । बागमती प्रदेशका सांसद डा. रामकुमार अधिकारीलाई कोरोना संक्रमण देखिएको छ । सांसद अधिकारीले स्वास्थ्य सुरक्षामा अत्यन्त सावधानी अपनाउँदै आए पनि हिजो सोमबार आफुलाई कोरोना पोजेटिभ देखिएको जानकारी दिएका छन् ।
केही दिन देखि ज्वरो आउने, ज्यान दुख्ने, टाउको लगातार दुख्ने समस्या र मुख्य गरी घाँटी दुख्ने र स्वर सुक्ने समस्याले ग्रस्त बनेपछि उनले उनले कोरोना परीक्षण गराएका थिए ।
उनलाई सुरुमा परीक्षण गर्दा कोरोना नेगेटिभ देखिएको थियो पछिल्लो परीक्षणमा कोरोना पोजेटिभ देखिएको हो । उनले आफु नजिक रहेर काम गर्नु हुने सबैलाई सजग रहन, खोकी लाग्ने, ज्वरो आउने, ज्यान दुख्ने आदि भएमा तुरुन्त स्वास्थ्य संस्थामा गई जाँच गराउन सामाजिक सञ्जालबाट आग्रह गरेका छन् ।
