धादिङ । बागमती प्रदेशमा हाल सम्म ६१ हजार १ सय २९ जनामा कोरोना पुष्टि भएको छ । नेपालभरी देखिएका कुल कोरोना संक्रमित मध्यमा यस प्रदेशमा झण्डै आधा संक्रमित देखा परेको बागमती प्रदेशको सामाजिक बिकास मन्त्रालयका कोभिड १९ का प्रबक्ता डाक्टर पुरुषोत्तम सेढाईले जानकारी दिनुभयो ।
यस प्रदेशमा कोरोना संक्रमण पुष्टि भएका मध्यमा ६२ प्रतिशत निको भएर डिस्चार्ज समेत भएका छन् । प्रदेशमा ४० हजार २ सय ४४ जना कोरोना संक्रमित उपचार पछी विभिन्न अस्पतालबाट डिस्चार्ज भएको बागमती प्रदेशको सामाजिक बिकास मन्त्रालयका डाक्टर सेढाईले जानकारी दिनुभयो ।
