जापान । जापानमा शक्तिशाली भूकम्प आएको छ। जापानको उत्तरी भागमा रहेको मियागी प्रान्तको समुद्री तटलाई केन्द्रविन्दु बनाएर भूकम्प गएको समाचार संस्था एपीले खबर दिएको । एपीका अनुसार भूकम्प ७.२ म्याग्निच्यूडको थियो । केही अन्तराष्ट्रिय सञ्चार माध्यमहरुले भूकम्प ७.० म्याग्निच्यूडको रहेको जानकारी दिएरहेका छन्।
एपीका अनुसार राजधानी टोकियोमा पनि भूकम्पको ठूलो धक्का मसहसुस गरिएको थियो । भूकम्पका कारण सडकहरु फाटेका छन् । समुद्रको तटसम्म छाल आइरहेको र सुनामीको खतरा रहेको भन्दै सचेत गराइएको छ।
जपानको मौसम विज्ञान एजेन्सीले तटीय क्षेत्रमा सुनामी आउने खतरा रहेको भन्दै सचेत गराएको छ । केही क्षेत्रमा भने सुनामी प्रवेश गरिसकेको एपीले जनाएको छ ।
यसअघि २०११ मा पनि जापानमा भूकम्पपछि सुनामी आएको थियो । अहिलेसम्म भूकम्पबाट कुनै मानवीय क्षति भएको विवरण नआएका जापानी अधिकारीहरुलाई उद्धृत गर्दै एपीले खरब दिएको छ । एजेन्सी
