धादिङ । धार्के सहित एनसीसी बैँकको विभिन्न ५ वटा शाखा सञ्चालनमा आएको छ । बिहिबार धादिङको धार्के सहित चरौँदी, मझिमटार, ताल्ती र नुवाकोटको कोल्पुटारमा शाखा सञ्चालनमा आएको हो ।
यो सँगै देशभर एनसीसी बैँकको शाखा १३३ वटा पुगेको छ । कोरोना भाईरस कोभिड १९ को जोखिम कायमै रहेकाले धेरै भिडभाड नगरी शाखा सञ्चालनमा ल्याएको धार्के शाखाका म्यानेजर अजय आचार्यले बताउनुभयो ।
धार्के शाखाको म्यानेजर आचार्य सँगै कोल्पुटार शाखाको म्यानेजर सरोज गजुरेल, चरौँदी शाखाको म्यानेजर माधव ढकाल, मझिमटार शाखाको म्यानेजर सन्दिप भट्टराई र ताल्ति शाखाको म्यानेजर सुदिप गौतम रहनुभएको छ ।
बैँकले जेष्ठ नागरिक सुरक्षा खाता, सेयरधनी बचत खाता, नागरिक बचत खाता, कर्मचारी बचत खाता, बाल सुरक्षा, महिला सुरक्षा लगायतका खाताहरु सञ्चालन गरेको छ । बैँकले मोबाईल बैँकिङ, ईन्टरनेट बैँकिङ लगायतका सेवाहरु प्रदान गर्दै आएको छ ।
