काठमाडौं । देउराली बचत तथा ऋण सहकारी संस्था लिमिटेडका अध्यक्ष रविन्द्र चौलागाईं पक्राउ परेका छन् । बचतकर्ताको बचत रकम हिनामिना गरेको आरोपमा नेपाल प्रहरीको केन्द्रीय अनुसन्धान ब्युरोले गएको मंगलबार उनलाई पक्राउ गरेको हो ।
उनीमाथि चार करोड ४९ लाख ९९ हजार ४४३ रुपैयाँ अपचलन तथा हिनामिना गरेको आरोप छ । देउरालीका बचतकर्ताले ब्युरोमा उजुरी दिएपछि कार्यालयलाई बचत फिर्ता गर्न ध्यानाकर्षण गरिएको थियो । तर, ब्युरोको ध्यानाकर्षणलाई बेवास्ता गरेपछि संस्थाका अध्यक्षलाई नै पक्राउ गरी अनुसन्धान प्रक्रिया अगाडि बढाइएको हो ।
