धादिङ जिल्लाबाट धुनिवेशी युवा समाजले दोस्रो संस्करणको बागमती प्रदेश लिग फुटबल प्रतियोगितामा खेल्दै छ। प्रतियोगिताका लागि धुनिवेशीबाट २४ जना खेलाडीले भाग लिएका छन्। खेलाडीहरुलाई आज विहिबार धुनिवेशी नगरपालिकाका प्रमुख बालकृष्ण आचार्यले विदाई गर्नु भएको धुनिवेशी युवा समाजका अध्यक्ष दिनेश आचार्यले बताए। धुनिवेशी युवा समाज धादिङको दशौं एन्फा लिग विजेता टोली हो।
धुनिवेशी युवा समाजको पहिलो खेल मकवानपुरको पदमपोखरी युथ क्लबसंग भोलि शुक्रबार दिउँसो ३ बजे हेटौंडा–५ स्थित पिप्ले क्याम्पा रंगशालामा हुने छ। बागमती प्रदेश फुटबल संघको आयोजनामा सुरु भएको प्रतियोगितामा बागमती प्रदेशका ९ जिल्लाका फुटबल क्लबको सहभागिता रहेको छ ।
