एन्फाको बेथितिविरुद्ध शान्तिपूर्ण धर्नाअखिल नेपाल फुटबल संघ (एन्फा)को गेटअगाडि युवाले शान्तिपूर्ण धर्ना दिएका छन् । नेपाली फुटबलमा केही वर्षयता देखिएका बेथितिविरुद्ध युवाहरूको एक समूहले धर्ना दिएको हो ।
एन्फामा क्लबसँगको खिचातानी चर्को हुँदा सहिद स्मारक ‘ए’ डिभिजन लिग नभएको ८५० दिनभन्दा धेरै भइसकेको छ ।फुटबल विकासको मेरुदण्ड मानिने शीर्ष डिभिजन लिग स्थगन, आर्थिक अपारदर्शिता र नेतृत्वको गैरजिम्मेवारीविरुद्ध आज फुटबलका स्वतन्त्र समर्थकले धर्ना दिएका हुन् ।यस्तै, एन्फा नेतृत्वले खास चासो नदिँदा नेपालको एकमात्र अन्तर्राष्ट्रिय मान्यताप्राप्त दशरथ रंगशालाले पनि एएफसीबाट मान्यता गुमाएको छ ।
जसका कारण एएफसी एसियन कप छनोट तेस्रो चरणका ‘होम’ खेल पनि नेपालले विपक्षी टिमकै मैदानमा खेलिरहेको छ ।
