पार्टी अध्यक्ष केपी शर्मा ओली पक्राउ परेको विरोधमा नेकपा एमालेले आज पनि विभिन्न जिल्लामा प्रदर्शन गरेको छ ।
ओलीको रिहाइको माग गर्दै एमाले जिल्ला कमिटीले ७७ वटै जिल्ला प्रशासन कार्यालयमा विरोधपत्र बुझाएका हुन् । ज्ञापनपत्र बुझाउन जाने क्रममा धेरै जिल्लामा प्रदर्शनकारी र प्रहरीबीच धकेलाधकेलसमेत भएको छ ।
एमालेको प्रदर्शनका कारण काठमाण्डौको माइतीघर–बबरमहल सडकमा अवरोध भएको छ । माइतीघर मण्डलबाट नाराबाजी गर्दै बानेश्वरतर्फ हिँडेका प्रदर्शनकारीलाई प्रहरीले बबरमहलमा रोकेको छ । काठमाण्डौको प्रदर्शनमा केन्द्रीय तहका नेताहरू पनि सहभागी छन् ।
भदौ २३ र २४ गतेको आन्दोलनमा अत्यधिक बल प्रयोग गरेको भन्दै प्रहरीले हिजो पूर्वप्रधानमन्त्री ओली र पूर्वगृहमन्त्री लेखकलाई पक्राउ गरेको थियो ।
