सुर्खेतकी १६ वर्षीया इनिशा बिकको परिवारले २७ दिनपछि शव बुझ्न सहमति जनाउँदै आज दाहसंस्कार गरिरहेको छ। उनी फागुन २३ गते वीरेन्द्रनगरमा मृत अवस्थामा फेला परेकी थिइन्।
घटनामा संलग्नलाई कारबाहीको माग गर्दै परिवारले शव बुझ्न अस्वीकार गर्दै आएको थियो। प्रहरीले आरोपितलाई पक्राउ गरी अदालतले पुर्पक्षका लागि थुनामा राख्न आदेश दिएपछि उनीहरूलाई बाल सुधार गृहमा पठाइएको छ। यस निर्णयपछि परिवारले शव बुझ्न सहमति जनाएको हो। उनको अन्तिम संस्कार भेरी नदीको सम्झिघाटमा गरिनेछ।
