धादिङको नीलकण्ठ नगरपालिका–३ स्थित थोपल खोलामा बगेर १३ वर्षीया बालिकाको मृत्यु भएको छ।
मृतक गङ्गाजमुना गाउँपालिका–१ की सृष्टि तामाङ हुन्। हाल उनी नीलकण्ठ नगरपालिका–१२ दामगाडेमा बस्दै आएकी थिइन्। खोला तर्ने क्रममा बगेकी सृष्टिको शव घटनास्थलबाट करिब ५ सय मिटर तल झाडीमा अड्किएको अवस्थामा फेला परेको जिल्ला प्रहरी कार्यालय धादिङले जनाएको छ।
सांकोष र नीलकण्ठ जोड्ने झोलुङ्गे पुल नजिकैको ड्याम क्षेत्रमा उनी बगेपछि सँगै रहेका दिदीबहिनी र साथीहरूले स्थानीयवासी तथा आफन्तलाई खबर गरेका थिए।
शव पोस्टमार्टमका लागि धादिङ अस्पताल पठाइएको छ भने घटनाबारे प्रहरीले थप अनुसन्धान गरिरहेको जनाएको छ।
