काठमाडौं । ग्रीन लाइफ हाइड्रोपावर लिमिटेडले जारी गरेको साधारण शेयरमा ७ लाख १६ हजार बढि आवेदन परेको छ । आइतबार ११ बजेसम्ममा ७ लाख १६ हजार ८६९ वटा आवेदन मार्फत १ करोड २९ लाख ३३ हजार ३४० कित्ताका लागि आवेदन परेको हो ।
कम्पनीले यहि माघ २३ गतेदेखि सर्वसाधारणका लागि साधारण सेयर जारी गरेको थियो । यो सर्वसाधारणबाट माग भएको शेयरको तुलनामा ३।९८ गुणा धेरै हो ।
हाइड्रोपावरले सर्वसाधारणबाट ३२ लाख ५१ हजार ६५२ कित्ताका लागि आवेदन माग गरेको थियो । कम्पनीले प्रतिशेयर १०० अंकित मूल्यका कुल ३४ लाख ९६ हजार ४०० कित्ता साधारण शेयर निष्काशन गरेकोमा १ लाख ७४ हजार ८२० कित्ता शेयर सामूहिक लगानी कोषका तथा ६९ हजार ९२८ कित्ता शेयर कर्मचारीहरुका लागि छुट्याइएको छ ।
कम्पनीको आईपीओमा माघ २७ गते मंगलबार कार्यालय समयभित्र आवेदन दिनुपर्नेछ । उक्त आईपीओमा लगानीकर्ताले न्यूनतम १० कित्तादेखि अधिकतम १ लाख कित्तासम्म आवेदन दिन सक्नेछन्।
