प्रधानमन्त्री शेरबहादुर देउवाले स्वास्थ्य तथा जनसंख्या राज्यमन्त्रीको जिम्मेवारी व्यवसायीसमेत रहेका नेपाली कांग्रेसका सांसद उमेश श्रेष्ठलाई दिएका छन्।
असार २९ गते प्रधानमन्त्री पदको शपथ लिएलगत्तै कांग्रेस र माओवादी केन्द्रका दुईरदुई सांसदलाई मन्त्री बनाएका देउवाले सत्तारुढ गठबन्धनभित्रको आन्तरिक विवाद र आफ्नै पार्टी कांग्रेसभित्रको विवाद व्यवस्थापन तथा सरकारको न्यूनतम साझा कार्यक्रम तय भएपछि सरकारलाई पूर्णता दिने बताइएको थियो। तर, देउवाले आइतबार अचानक स्वास्थ्य मन्त्रालयको जिम्मेवारी आफैँमा रहनेगरी श्रेष्ठलाई राज्यमन्त्री बनाएका हुन्।
लिटिल एनजल्स, आइडिया मोडल, स्मल हेभनलगायत विद्यालयका सञ्चालक श्रेष्ठ झण्डै चार दशकदेखि शिक्षा क्षेत्रमा सक्रिय छन्। महेन्द्रनारायण निधि मेमोरियल सामुदायिक अस्पताल र जनमैत्री अस्पतालमा समेत आबद्ध उनले जलविद्युत् र कृषि क्षेत्रमा पनि हात हालेका छन्। उनी दोस्रो संविधानसभा सदस्यमा मन्त्रिपरिषद्बाट मनोनीत २६ जनामध्येमा परेका थिए। कोरोना संक्रमणबाट जनता आहत बनेको र तेस्रो लहर आउने विज्ञहरूले औंल्याइरहेका बेला श्रेष्ठलाई स्वास्थ्य राज्यमन्त्री बनाइएको हो । आजको नागरिक दैनिकमा खबर छ ।
