आइतबार दोहोरो अंकले बढेको सेयर बजार सोमबार पहिरो गएको छ । २६ सय ५६ विन्दुबाट कारोबार सुरु भएको सोमबार ६९ दशमलव ५ अंकले घटेर २५ सय ८७ विन्दुमा पुगेर थामिएको छ । आइतबारको तुलनामा कारोबार रकम भने बढेको छ ।
आइतबार डेढ अर्बको मात्र कारोबार भएको सेयर बजारमा सोमबार करिब तीन अर्बको कारोबार भयो । २ सय १८ कम्पनीका ८७ लाख ८६ हजार कित्ता सेयर किनबेच हुँदा २ अर्ब ९६ करोड ६८ लाखको कारोबार भएको छ ।
यस दिन व्यापार समूह १८ अंकले बढ्नुबाहेका अन्य उपसूचकहरू राताम्मे रहे । सबैभन्दा बढी निर्जीवन बीमा कम्पनीको सेयर मूल्य ४ सय २७ अंकले ओरालो लागेको छ । यस्तै जीवन बीमा समूह ३ सय ५८ अंकले झरेको छ ।
सोमबार घलेम्दी हाइड्रोपावर कम्पनीका लगानीकर्ताले १० प्रतिशत गुमाउँदा सबैभन्दा बढी एनआईसी एसियाको ११ प्रतिशत डेभेन्चरमा लगानी गर्नेहरूले दुई प्रतिशतले कमाएका छन् ।
