सुचना
मुग्लिङ-नारायणगढ सडक खण्डको १७ किलो र केराबारीमा ठूलो पहिरो खसेको र अहिले पनि निरन्तर पानी परिरहेकोले पहिरो हटाउन समस्या भइरहेको छ । त्यस्तै नौविसे –मुग्लिन सडक खण्डको जोगिमारामा पहिरोका कारण सडक एक तर्फि सञ्चालनमा रहेको छ । एक तर्फि सडक सञ्चालनका कारण यो सडक खण्डमा गाडीको लामो लाइन रहेको छ ।
पहिरोका कारण सडकमा समस्या भएकाले यो सडक हुँदै चल्ने गाडीलाई बिहानैदेखि नाका नाकामा रोकिएको छ । काठमाण्डौदेखि छुट्ने गाडी पनि नागढुङ्गा, थानकोट, कलङ्की लगायत ठाउँमा रोकेर राखिएको छ । पहिरो नहटेसम्म यो सडक खण्डको यात्रामा ननिस्कन अनुरोध गर्दछौँ । यात्रा गर्नै परे बैकल्पिक बाटो अपनाउनुका साथै यात्रा गर्ने यात्रुहरुले यात्रा गर्नुपुर्व प्रहरी कन्ट्रोल वा प्रहरी कार्यालय मार्फत जानकारी लिएर मात्र यात्रा गर्नुहुन अनुरोध छ ।
- ईलाका प्रहरी कार्यालय गजुरी र रेडियो राजमार्गद्धारा जनहितमा जारी सुचना
