धादिङको गल्छी गाउँपालिकामा गठित गल्छी बाल समुह संजालले देउसी भैलोमा प्राप्त भएको रकम सञ्जालकै सदस्य अनिश भेटुवाललाई हस्तान्तरण गरेको छ । सञ्जालले शुभ दिपावली नेपाल सम्बत् (११४६) लगायत पर्वकोे अवसरमा आयोजना गरेको शुभकामना आदानप्रदान तथा साँस्कृतिक कार्यक्रममा रमाइलोका लागि खेलिएको देउसी भैलोबाट प्राप्त १२ हजार ६० रुपैयाँ गल्छी बाल समूह सञ्जालका सदस्य भेटुवाललाई हस्तान्तरण गरेको हो ।
हातमा समस्या भएर स्वास्थ्य लाभ गरिरहेका भेटुवाललाई गल्छी बाल समुह सञ्जालका अध्यक्ष श्रद्धा रिमाल, उपाध्यक्ष विशम श्रेष्ठ र ६ नम्बर वडा बाल सञ्जालका अध्यक्ष साधना अधिकारीले रकम हस्तान्तण गरेको पालिका बालमैत्री सहजकर्ता विपिन मल्लले जानकारी दिनुभयो ।
“दानिलाई हुँदैन हानी, हजुरको दान गरेनौं मनोमानी” भन्दै सञ्जालले गरेको यो कामलाई सामाजिक सञ्जालमा प्रशँसा गरिएको छ ।
