सेयर बजारमा दोहोरो अंकको सुधार देखिएको छ । लगातार दुई दिन घटेको बजार बिहीबार २३.८७ अंकले बढेर नेप्से परिसूचक २८२०.४४ विन्दुमा बन्द भएको छ ।
यस दिन चार करोड १६ लाख ८६ हजार ४०५ कित्ता सेयर एक लाख ३० हजारपटक किनबेच हुँदा १४ अर्ब ५५ करोडभन्दा बढीको कारोबार भएको छ । अघिल्लो दिन १३ अर्ब १८ करोड रुपैयाँभन्दा बढीको कारोबार भएको थियो । नेप्सेका अनुसार, ३३५ कम्पनीको कारोबार भयो, जसमा १७६ कम्पनीको मूल्य बढ्यो, ७७ को घट्यो भने नौवटाको स्थिर रह्यो ।
