बगदाद। इराकको पश्चिमी क्षेत्रमा भएको हवाई आक्रमणमा परी १० जनाको मृत्यु भएको छ । अमेरिकी नेतृत्वको गठबन्धन सेना र इराकी सुरक्षा बलले संयुक्त रूपमा गरेको कारबाहीमा मारिएका ती सबै इस्लामिक स्टेट्स (आईएस)का लडाकु रहेका जनाइएको छ ।
इराकको प्रतिआतंकवाद सम्बन्धी निकाय (सीटीएस)को संयोजनमा अहिले सुरक्षा कारबाही तीव्र पारिएको अधिकारीहरूले जनाएका छन् । आईएस लडाकुहरू लुकेर बसेको सूचनाका आधारमा उनीहरूले देशको पश्चिमी अनबार प्रान्तमा आक्रमण गरेका हुन् ।
२०७६ साउन २९ गते प्रकाशित
