काठमाण्डौ । विश्वभर कोरोना भाइरसको सङ्क्रमणबाट ज्यान गुमाउनेको संख्या चार लाख माथी पुगेको छ । विश्वको कोरोना भाइरसबारेको तथ्याङक सार्वजनिक गरिरहेको वल्र्डओमिटरका अनुसार कोरोना भाइरसबाट चार लाख दुई हजार भन्दा धेरैको मृत्यु धएको छ ।
चीनको वुहानबाट शुरु भएर विश्वका दुइ सय १३ देशमा फैलिएको कोरोना भाइरसबाट ६९ लाख ८२ हजार भन्दा धेरै मानिस सङ्क्रमित भएका छन् । सङ्क्रमित मध्ये ३४ लाख १३ हजार भन्दा धेरैले कोरोनालाई जितेर स्वास्थ्यलाभ गरेका छन् ।
भारत कोरोना भाइरसबाट धेरै मानिस सङ्क्रमित भएका देशहरु मध्ये छैटौं नम्बरमा पुगेको छ । चीनबाट युरोप तथा अमेरिकाका देशहरुमा सङ्क्रमण फैलिदा निकै कम सङ्क्रमित मात्र भएको भारतमा पछिल्लो समयमा सङ्क्रमण ह्वात्तै बढेको हो ।
आइतबार बिहानसम्ममा भारतमा दुई लाख ४७ हजार भन्दा धेरै मानिस कोरोना भाइरसबाट सङ्क्रमित भएका छन् । भारतमा कोरोनाबाट ज्यान गुमाउनेको संख्या ६ हजार ९ सय नाघेको छ ।
