पाकिस्तानको बलुचिस्तान प्रान्तमा रहेको क्वेटा शहरको रेलवे स्टेसनमा विस्फोट हुँदा कम्तीमा २१ जनाको मृत्यु भएको छ । अरु ४६ जना भन्दा धेरै घाइते भएका बीबीसीले जनाएको छ । मृत्यु र घाइतेको सङ्ख्या अझै बढ्न सक्ने खबरमा उल्लेख छ ।
यात्रुहरूले रेल पर्खिरहेका बेला रेलवे स्टेसनमा विस्फोट भएको क्वेटाका प्रहरी प्रमुख मुहम्मद बलोचले बताउनुभयो । रेलवे स्टेसनमा विस्फोट हुनुको कारण भने खुल्न सकेको छैन ।
