अमेरिकी राष्ट्रपति डोनाल्ड ट्रम्प र इजरायली प्रधानमन्त्री बेन्जामि न नेतन्याहूबीच इरानसँगको युद्धलाई कसरी अगाडि बढाउने भन्ने विषयमा मतभेद देखिएको मिडिया रिपोर्टहरूले जनाएका छन् । यी दुई नेताबीच एक घण्टा लामो तनावपूर्ण फोन वार्ता भएको बताइएको छ ।
वार्ताका क्रममा इजरायली नेताले इस्लामिक गणतन्त्र इरानमाथि पुनः हवाई आक्रमण सुरु गर्न दबाब दिएका थिए । समाचार रिपोर्टहरूका अनुसार, ट्रम्पले फेरि सैन्य कारबाही अगाडि बढाउनुअघि कूटनीतिलाई एकपटक मौका दिनुपर्ने कुरामा जोड दिएका थिए ।
अमेरिकी मिडिया आउटलेट ‘एक्सियोस’को एक रिपोर्टअनुसार यस अत्यधिक तनावपूर्ण कुराकानीले नेतन्याहूलाई निकै आक्रोशित र चिन्तित बनाएको थियो ।
रिपोर्टका अनुसार, इजरायली नेता शान्ति वार्ताप्रति निकै शंकालु छन् र इरानको सैन्य क्षमता तथा महत्त्वपूर्ण पूर्वाधारहरूलाई थप ध्वस्त पारेर त्यहाँको शासन व्यवस्थालाई कमजोर बनाउनका लागि युद्ध पुनः सुरु गर्न चाहन्छन् ।
तर, ट्रम्प भने वार्तालाई एक मौका दिन चाहन्छन् र सम्झौता हुन सक्नेमा विश्वस्त देखिएका छन् । यद्यपि, उनले वार्ता असफल भएमा युद्ध पुनः सुरु गर्न आफू तयार रहेको स्पष्ट पारेका छन् ।
